Pages

Tuesday, March 1, 2011

ലേഡീസ് കമ്പാര്‍ട്ട്മെന്‍റ്


ഒറ്റ ബോഗിയുള്ള,
ഓട്ടം നിലയ്ക്കാത്ത,
കണ്ണീരു വണ്ടി.
നിറയെ ശവങ്ങള്‍.
ജീവനുണ്ട്,
സംസാരിക്കുന്നില്ല,
ശവത്തില്‍ കുത്തിയിട്ടും
പ്രതികരിക്കുന്നില്ല.
ഇടയ്ക്കിടെ,
ഒരു ഞരക്കം മാത്രം.
ഫെമിനിസ്റ്റ് ശവങ്ങള്‍
ഉറക്കെ, നിശബ്ദമൊരു
വിമോചന കവിത ചൊല്ലുന്നു.

കിളിരൂര്‍, സൂര്യനെല്ലി,
അമ്പലപ്പുഴ, തൃശ്ശൂര്‍
ഓരോ സ്റ്റെഷനില്‍നിന്നും
ആളുകള്‍ കയറുന്നു.
കൊന്നതാണ്,
നാവു പിഴുത്,
നടു തളര്‍ത്തി,
കൂര്‍ത്തൊരായുധത്താല്‍
മുറിപ്പെടുത്തി....

പ്രതിയെക്കണ്ടാലറിയാം.
തെളിവ് നല്‍കുവാന്‍,
മാറും അടിവയറും.
മൊഴി കൊടുക്കുവാന്‍,
മുലകുടി മാറാത്തൊരു കുഞ്ഞും.

2 comments:

  1. boomikk athiridaam... aakashathino?
    ninte chirakukalk ennum balamundavatte....

    ReplyDelete
  2. good work. But ഫെമിനിസ്റ്റ് ശവങ്ങള്‍ ?

    ReplyDelete