Pages

Monday, October 4, 2010

പ്രതികരിക്കുവാന്‍......

പ്രയമെത്താത്ത പെണ്‍കിടാങ്ങളുടെ
മാനത്തിനു വില പറയുന്നവന്റെ
കാമാക്കൊമരം തുള്ളും
ജനനേന്ദ്രിയം പിഴുതെടുക്കുവാന്‍...

തുള്ളി വെള്ളമുള്ളില്‍ ചെന്നാല്‍
അമ്മ, പെങ്ങളെ കണ്ടാലറിയാത്ത,
കണ്ണിനുള്ളില്‍ കാമം ജ്വലിക്കുന്ന
ചോരയില്ലാക്കണ്ണ്‍ ചൂഴ്ന്നെടുക്കുവാന്‍..

ആദിവാസിയെ പറഞ്ഞു പറ്റിച്ച്‌,
ആയിരം കൊല്ലം തടവിലിട്ടിട്ട്,
വോട്ടു ചോദിച്ചു വീണ്ടുമെത്തുന്ന
രാഷ്ട്രീയക്കാരനെ തൂക്കിലേറ്റുവാന്‍


മതിമറക്കും അധികാര വര്‍ഗത്തെ,
ഇരന്നുണ്ണുന്ന കൈക്കൂലിക്കാരനെ
കോഴ വാങ്ങുന്നവനെ, കുംഭകോണ വീരനെ,
ജനസമക്ഷം വിചാരണ ചെയ്യുവാന്‍....

പെറ്റമ്മയെ, പിറന്ന നാടിനെ,
മാതൃഭാഷയെ തള്ളിപ്പറയുന്ന
നാണമില്ലത്തവനെ, നന്ദിയില്ലാത്തവനെ,
നാലുപേര്‍ കണ്കെ ചാട്ടയ്ക്കടിക്കുവാന്‍...

എവിടെ നക്സലേറ്റുകള്‍?
എവിടെ കമ്മ്യൂണിസ്റ്റ് ചാവേര്‍ പോരാളികള്‍?
എവിടെ സംസ്കാരത്തിന്റെ കാവല്‍ഭടന്മാര്‍?
എവിടെ സാഹിത്യ നവോദ്ധാന സൃഷ്ടികള്‍?

പ്രതികരിക്കുവാനാരുമില്ലെങ്കിലും,
പോര്‍വിളിക്കുവാന്‍ ശബ്ദമില്ലെങ്കിലും ,
ഇല്ല മാപ്പില്ല, നിങ്ങള്‍ക് മാപ്പില്ല.
തെറ്റ് ചെയ്തവന്‍ ശമ്പളം പറ്റണം......

No comments:

Post a Comment